' rel='stylesheet' type='text/css'>

“حَلَبْ ستُخبِر الله بكلِّ شيء”: إنّهم يهدِمون “تاريخَ البراءة ” لتوسيع “جغرافيا الإثمْ”

“حَلَبْ ستُخبِر الله بكلِّ شيء”: إنّهم يهدِمون “تاريخَ البراءة ” لتوسيع “جغرافيا الإثمْ”

هشام زهرانهشام زهران-اونتيريو

يواصل الطيران الروسي بكامل عتاده وعدّته حربه الكونية على مدينة حلب مستعينا بطيارين من بلاد عربية لقصف ما يدّعي انه “أوكار مسلحين ” يعملون ضد بشار الأسد لكن الضحّية الحقيقية في “المشهد الحلبي” هي المشافي ومراكز الإسعاف المدني والمدارس حيث يسقط يوميا عشرات الأطفال رأينا صورهم تُمزّقُ حدقة العيون ، بعضهم يحمل القلم والآخر مات تحت الإنقاض متمسّكا بكسرة خبز جافّة وآخر نطق في المهد وقال لأمه التي يموت بين ذراعيها بعد نزيف طويل”سأخبر الله بكل شيء”!!

حدثتني مساء أمس صديقة من “فسط حلب” التي تطلق عليها المعارضة تسمية ” حلب المحتلة” لأنها تحت سيطرة النظام ودار هذا الحوار فالتقطت منه مقتطفات لعفويته وباللهجة العامية ما دامت “الفصحى ضلّت طريقها إلى حلب!!

الحوار يبدأ من الصديقة ….

*عندَك فكرة شو عم يصير عنّا؟
– اي … عندي إنو روسيا والصين بلاد بدها تِفلس ولازم يعملو دورة اقتصادية
تنقذهم من الانهيار والحل تدمير حلب وأي مدينة يمكن أن يطمع في إعمارها هؤلاء على حساب البشر

*ونِحْنا شو ذَنبنا؟؟؟
– يا أُختي هل تعتقدين أن القصف الروسي على حلب منشان المسلحين؟ يعني المسلح اللي حامل بارودة بنواجهو بصاروخ؟؟

*المسلحين اليوم قصفوا مدارس….
– أنا ما بدافع عن القصف العشوائي كيف ما كان بس أي قِط بتحبسيه بزاوية بدو يخرمش لكن القصف ليس من أجل من تُسمينهم مسلحين..!!

*معك حق … اصلا لو كان كل هالقصف صحيح كان ما بقي حدا….!!
– طبعا روسيا وايران مسحو حلب من الخارطة منشان عقود الاعمار….
*طيب ونحنا …؟؟ ما فيها بشر؟؟؟

– يعني يا اختي رأس المال سائل عن العنصر البشري؟ لك روسيا ابادت في القرم ويوغسلافيا والبوسنا والهرسك والشيشان وافغانستان ملايين قبل عقود!!

*يعني خلص؟
-خلص شو؟

*ميتين ميتين؟
-هلا هني بدهن يحافظو على بشار الأسد لحتى يستكملو التخريب لانو هوي حجتهم الوحيدة وأي شخص بديل ممكن ما يعطي شرعية لكل الرايات في بلادكم!!
*أنا عم احكي عننا نِحنْ المواطنين مَبدنا روسيا مو سائلين…

-مواطنين شو؟؟؟
*اي خلص موته وما كانت بس ما نبقى عاهات!!
– الشعب الحلبي أكبر مَخزن للسنة في سوريا انقسم على ذاته ومازال ، حتى على مستوى الفصائل ولهلا بتلاقي ناس بيقولو (فدى بسطارو للأسد)… من شو كنتو خايفين؟ضحكو عليكم بفزاعة الإرهابيين والدمار ، والدمار حاصل حاصل والنهب والتعفيش من الميليشيا ومن الجيش والدفاع الوطني من قبل !!

* عم فكّر بالهجرة بس ما في طريق كللو محاصر بتركيا الوضع مو مريح مابين استغلال اللاجئين في قصص مو منيحة وبلبنان نفس الشي فكرت في الهجرة لأوروبا بس ما في طريق حتى دول العالم بلشت تتردد باستقبال لاجئين سوريين…..وأساسا مفينا نطلع من هون من الحصار …
في الله وما حدا بيموت ناقص عمر!!

في هذه اللحظات حضر “غوار الطوشة مجددا ” وحضرت مسرحية (كاسك يا وطن) ….
(اتركوني لحالي سنسل الأمور بفكري شوي … في حدا بدو يكرّهني عيشتي لارحل عن وطني ….. بس وين بدّي روح؟ ؟ أنا بدوخ بالطيارة يا أخي ،ونفرض إني رحلت عن الوطن بيبقى الوطن عايش فيني وين بدي أهرب منو؟؟وين؟؟ بدي ضل عايش فيه غصب عن البدو واللي ما بدو … وبدي اشرب كاسك ياوطني على رواق ولسّه بدي اكتب اسم بلادي عالشمس المااااااااااا بتغيب”
مختصر الحكاية إنهم يهدمون تاريخاً من البراءة ليشيّدوا جغرافيا الإثم!!!”حَلَبْ ستُخبِر الله بكلِّ شيء”: إنّهم يهدِمون “تاريخَ البراءة ” لتوسيع “جغرافيا الإثمْ”

15123196_220296011737483_425394004047455604_o 15134757_220295941737490_4397216422338653620_n 15168663_220295905070827_8386951884296231846_o 15170787_220295991737485_2048834899761970188_n 15171333_220295908404160_496863707387600579_n 15179005_220295881737496_8505993291549690623_n 15181602_220295875070830_2227804287538113808_n 15192638_220295868404164_1281430300485139086_n 15194351_220295998404151_3951677090037056030_o

Translate » ترجم الموقع لأي لغة في العالم
%d مدونون معجبون بهذه: